    |
|
 |
            
|
Corona-Extra , Faxaflói og Party Zone á Rás 2 kynna með stolti:
--------------------------------------------------------------------------------------
Party Zone kvöld með
Einnig koma fram...
BenSol
Sean Danke (live)
DJ Margeir
Gestgjafar í forpartýi: Reykveek.
---------------------------------------------------------------------------------------------------------------------------
Loksins er komið að stóru Party Zone kvöldi en síðasta kvöld var hið rosalega Booka Shade kvöld í Laugadalshöllinni þegar þátturinn hélt uppá 1000sta þáttinn þar sem 3500 manns mættu og troðfylltu höllina á þessu svaka kvöldi sem var sömuleiðis lokahátíð Evefanfest hátíðar CCP Games. Við höfum haldið frábær Dansa Meira kvöld á minni stöðunum í sumar en nú er komið að stóru kvöldi á Nasa þar sem við fáum til landsins í fyrsta sinn einn af heitustu og virtustu plötusnúðum Þýskalands. Við höldum hefðinni að vera ekki með endurtekið efni heldur „frumflytjum“ við einn af þeim listamönnum sem þátturinn hefur verið að missa sig yfir síðustu misseri.
Við höfum fært ykkur flesta af flottustu listamönnum danstónlistarsenu Þýskalands í gegnum árin, listamenn eins og Timo Maas, Tiefschwarz, Stephan Bodzin, Marc Romboy og auðvitað Booka Shade. Allt ógleymanleg kvöld. Nú er komið að listamanni sem við höfum dýrkað og dáð í mörg ár og reynt lengi að fá til landsins. Loksins náðust samningar og erum við ásamt samstarfsaðilum afar stoltir að tilkynna komu Henrik Schwarz til landsins. Henrik hefur verið verið einn áhrifamesti plötusnúður og tónlistarmaður Berlínarborgar síðasta áratuginn og notið mikillar virðingar. Hvert snilldar verkið á fætur öðru hefur komið frá honum og stigvaxandi með hverju árinu. Hann hefur gert ófáa slagarana sem hafa tryllt liðið og ratað á lista þáttarins, bæði PZ listann og árslista þáttarins. T.d. átti hann 2.sæti árslistans í fyrra og tvö lög árið þar á undan. Hann er nýbúinn að fara á kostum á Sonar hátíðinni í Barcelona þegar hann sækir okkur Íslendinga heim laugardagskvöldið 3.sept. Hann hefur verið að koma fram á stórum tónlistarhátíðum, virtustu klúbbum heims og jazzhátíðum og tónlistarhöllum eins og Royal Festival Hall. Það má segja að hann sé geggjuð blanda af tónlistarsnillingi og partýdýri. J
Það hefur sömuleiðis verið snúið að púsla saman innlendu listamönnum kvöldsins þar sem allir helstu plötusnúðar þáttarins hafa sótt fast eftir því að fá að koma fram á þessu kvöldi. Ánægjulegt vandamál það. Við ákváðum að eftirfarandi atriði myndu fullkomna kvöldið en jafnframt krefja gesti kvöldsins um að mæta snemma til þess að njóta þeirra. Fyrst má nefna hinn eldheita DJ Margeir, síðan fengum við „doninn“ sjálfan Grétar G (aka Sean Danke), sem er nýfluttur til landsins á ný eftir nokkur ár erlendis en hann mun í fyrsta sinn flytja eigið efni í lifandi flutningi. Síðast má nefna BenSol til að koma fram saman en hann hefur t.d. fengið þann heiður nýlega að spila á einum af stærstu klúbbum veraldar, sjálfum Space á Ibiza. Reykveek hópurinn, sem er hópur plötusnúða og raftónlistarmanna, sem hefur haldið uppi hinum frábæru Reykveek kvöldum, verða sérstakir gestgjafar í forpartýinu.
Sem sagt, rjóminn af íslensku danstónlistarsenunni á einu og sama kvöldinu. Við teljum að þetta sé akkúrat blandan sem þarf til að búa til alvöru ósvikið og vonandi epískt Party Zone kvöld.
Forsala aðgöngumiða er hafin á www.midi.is og í verslunum Brims.
Húsið opnar kl 23:00 en forpartý á vegum styrktaraðila kvöldsins hefst með veigum og óvæntum atriðum kl 21:30. Sömuleiðis mun ný og vegleg heimasíða Party Zone fara í loftið þetta sama kvöld og ber auðvitað að fagna því sömuleiðis.
Gjörið svo vel að grúska í eftirfarandi linkum eftir stemmingu og upplýsingum:
http://www.facebook.com/home.php?ref=hp#!/event.php?eid=207235889327095
Útgáfusaga Henrik Schwarz:
Full Discography: http://www.discogs.com/artist/Henrik+Schwarz
Allskonar Youtube linkar tengdir Henrik Schwarz:
Some Youtube links:
LÖG:
Emanuel Jaar – Kuar (Henrik Schwarz remix) (2.sætið á árslista PZ 2010)
http://www.youtube.com/watch?v=1NCpPxrOGT0
The Detroit Experiment – Think Twice (Henrik Schwarx remix) (á árslista PZ 2009)
http://www.youtube.com/watch?v=4hyg3YfblHw
Omar & Stevie Wonder - I Am Feeling You - Henrik Schwarz Remix (á árslista PZ 2009)
http://www.youtube.com/watch?v=_YsysJa6O9c
Bill Withers – Who is he (Henrik Schwarz re-edit)
http://www.youtube.com/watch?v=wAiM9EeoXus&feature=related
The Jackson Five – Dancing Machine (Henrik Schwarz remix)
http://www.youtube.com/watch?v=QgyoL1GRY-g&feature=related
DJ Hell – The Angst (Henrik Scwharz remix)
http://www.youtube.com/watch?v=3BYT6jbtOxQ&feature=related
Henrik Schwarz & Kuniyuki – Once Again (Henrik Schwarz version).
http://www.youtube.com/watch?v=UCXLGzwT-Yw&feature=related
LIVE upptökur:
Henrik Schwarz & Bugge Wesseltoft @ Royal Festival Hall
http://www.youtube.com/watch?v=QtLnQc_HZ8c
http://www.youtube.com/watch?v=gt-y_c6d0So
Coldcut - Walk A Mile In My Shoes - Henrik Schwarz Remix
http://www.youtube.com/watch?v=ARyJb-xvlno
The Schwarzonator
http://www.youtube.com/watch?v=yhfvzTivVLg
Encore in Dresden:
http://www.youtube.com/watch?v=oLIvdTVWQFo
Montreux Jazz Festival 2009
http://www.youtube.com/watch?v=OtUT0IiLNRM
Sonne Mond & Sterne 2007
http://www.youtube.com/watch?v=TDiJ8cxGiz4
Henrik Schwarz Live
http://www.youtube.com/watch?v=_mnsq_-MrlU
Söguágrip:
„Dansþáttur þjóðarinnar, Party Zone hóf göngu sína á framhaldsskólaútvarpstöðinni Útrás haustið 1990 þegar Helgi Már og Kristján Helgi voru sameinaðir í dagskránni þar á bæ vegna þess að þeir þóttu með frekar súran tónlistarsmekk, Helgi Már í Menntaskólanum við Sund og Kristján Helgi í Fjölbrautarskólanum í Garðabæ. Úr varð fjögurra tíma útvarpsþáttur á laugardagskvöldum þar sem þeir félagar spiluðu upptökur af HIFI Videospólum samnefndum sjónvarpsþætti á gervihnattastöðinni MTV. Forsprakkar stöðvarinnar þóttust hafa leyst þetta skrítna mál ágætlega með því að hafa sett þá saman í þátt enda með allveg fáránlegan tónlistarsmekk, spilandi einhverja sýru, „alltaf með sama tölvutaktinum“ eins það var orðað.
Fljótlega fóru að mæta í heimsókn plötusnúðar eins og Maggi Lego, Ýmir og Grétar G sem vildu ólmir fá að spila spila nýjustu vínyl plöturnar sem þeir keyptu í ferðum sínum til London. Einnig fóru að venja komur framúrstefnulegir partýhaldarar frá „Hugarheimum Hæðanna“ og „Pakkhúsi Postulanna“ að auglýsa partý á leynilegum stöðum sem þeir vildu kalla „vöruhúsapartý“ eða eitthvað sem þeir kölluðu „Rave“. Skemmtanastjóri frá skemmtistaðnum Tunglinu sá mikið tækifæri í þessum þætti og bauð VIP kort á línuna fyrir þáttastjórnendur og plötusnúða þáttarins gegn því að þátturinn yrði miðstöð staðarins og auglýstur í botn. „
Svona liðu fyrstu mánuðir þáttarins Party Zone haustið 1990 og strax þarna varð Party Zone miðstöð danstónlistarsenunnar sem var á þessum tíma rétt aðeins dálætri nokkura manna sem voru sannfærðir um að þarna var eitthvað algerlega nýtt sem ætti eftir að verða stærra og meira. Ný tónlistarstefna, ný tíska, ný tækni og ný kynslóð var einkunnarorðið.“
Síðan eru liðin 20 ár, ótrúlegt en satt. Enn þann dag í dag hefur Party Zone haldið sér á sama stalli, sem ákveðin miðstöð íslensku danstónlistarsenunnar. Þátturinn hefur farið í gegnum langt tímabil þar sem eletrónískt tónlist er orðinn ein af stærstu senum tónlistar samtímans, komu tækninýjunga eins og farsíma, internetsins, geisladiska og mp3 skráa svo eitthvað sé nefnt. Haugur af plötusnúðum stigu sín fyrstu spor í þættinum, kappar eins og Margeir, Árni E, Grétar, Tommi White, Frímann o.fl. Þátturinn hefur haldið mörg ógleymanleg kvöld og fært Íslendingum mörg stærstu nöfn danstónlistarinnar, nægir að nefna Masters At Work, Booka Shade, Basement Jaxx, Timo Maas, Sasha, Carl Cox, Trentemöller, Dimitri from Paris, Erick Morillo, Marc Romboy, Kerri Chandler, Carl Craig svo örfáir af þeim yfir 50 artistum sem hafa komið á vegum þáttarins séu nefndir. Ekki má gleyma öllum reifunum, eldborg og UXA 95. Þátturinn átti frábær ár á útvarpstöðvunum Sólinni, Aðalstöðinni, X-inu, Mono og svo auðvitað á Rás 2, þar sem þátturinn er en. Þátturinn tók sömuleiðis þátt í allskonar tækninýjungum eins og fyrstu netútsendingunni í samvinnu við Decode Veftímarit og OZ, og fyrsta podcastið sem fór í loftið á Íslendi.